bave lava
المدير العام
عدد المساهمات : 308
تاريخ التسجيل : 02/02/2010
العمر : 36
الموقع : سوريا محافظد الحسكة
 | | Aqil Çi ye? | |
Aqil Çi ye?
________________________________________
Rojekê di nava Îmam Caferê Sadiq û telebê wî İmam Ebu Henîfe de dîyaoloxek wuha derbas dibe:
İmam Caferê Sadiq, Ji İmam Ebu Henîfe dipirse;
“Aqil çiye?”
İmam Ebu Henîfe difikire. İmam Caferê sadiq dîsa jê dipirse:
“Aqil çiye?”
Îmam Ebu Henîfe li fikirandina xwe dewam dike û İmam Caferê Sadiq dîsa jê dipirse:
“Ka bibêje Numan aqil çi ye”
Ebu Henîfe wuha cewab dide:
“Aqil; xêr û şerrê, qencî û neqencîyê, rastî û çewtîyê û rindî û kirêtîyê ji hev cihêkirin e. Bi kîjan xêre, kîjan şerr e, kîjan başe kîjan xerab e, kîjan raste kîjan çewt e û kîjan rind û kîjan kirête zanîn e.”
Îmam Caferê Sadiq vî cewabî naecibîne û ji telebê xwe Ebu Henîfe re wuha dibêje:
“Bi wî tiştê ku tu dibêjî heywan jî dizanin.
Ebu Henife nizane ku çi bibêje. İmam Caferê Sadiq peyvê wuha vedike:
“Gava tu katekî goşt davêjî ber kuçik, kuçik jî fahm dike ku tu mirovekî başî û ji bona wî bixêr î. Fahm dike ku hereketê te kiriye hereketekî raste tevgêra te tevgêrekî rind e. Lê eger tu bi pihînekî li kuçik bixî, bi ço lê bixî û ezîyet û îşkence lê bikî, ew fahm dike ku tu mirovekî xerabî û ji bona wî şerr î. Fahm dike ku hereketê te ji bona wî kiriye hereketekî xerabe û tevgêra te jî, tevgêrek kirêt e.”
Paşê îmam Caferê Sadiq dîsa jê dipirse:
“Bibêje ya Numan Aqil çi ye?”
Di ser vê yekê re Ebu Henîfe, pirsê lê vedigerîne û ew jê dipirse:
“Seyda ka tu bibêje aqil çiye?”
İmam Caferê Sadiq wuha cewab dide:
“Aqil, di nava du xêran de kîjan bixêre pê zanîn e. Di nava du xeraban de kîjan pirr xerabe pê zanîn e.”
Caferê Sadiq dewam dike:
“Aqil; di nava herdu qencîyan de kîjan qence, di nava her du rindan de kîjan rinde pê zanîn e. Aqil;di nava herdu xeraban de kîjan xerabe, di nava her du kirêtan de kîjan pirr kirête pê zanîn e.”
FİKRÎ AMEDÎ
| |
|
